RTE Admission 2026-27: ऑनलाईन अर्ज प्रक्रिया, नवीन नियम आणि आवश्यक कागदपत्रे
महाराष्ट्र शासनामार्फत दरवर्षी राबविण्यात येणारी RTE (Right to Education) 25% प्रवेश प्रक्रिया 2026-27 शैक्षणिक वर्षासाठी सुरू झाली आहे. आर्थिकदृष्ट्या दुर्बल व वंचित घटकातील विद्यार्थ्यांना खासगी शाळांमध्ये मोफत शिक्षण मिळावे हा या योजनेचा मुख्य उद्देश आहे.
अनेक पालकांना अर्ज करताना तांत्रिक अडचणी येतात. त्यामुळे या लेखामध्ये RTE प्रवेशासाठी अर्ज कसा करायचा, कोणती कागदपत्रे लागतात आणि यावर्षी झालेले नवीन बदल कोणते आहेत याची संपूर्ण माहिती सोप्या भाषेत दिली आहे.
RTE Admission म्हणजे काय?
RTE कायद्याअंतर्गत खासगी शाळांमध्ये इयत्ता पहिली किंवा पूर्व-प्राथमिक वर्गात 25% जागा आर्थिकदृष्ट्या दुर्बल विद्यार्थ्यांसाठी राखीव असतात. या प्रवेशासाठी पालकांना ऑनलाईन अर्ज करावा लागतो.
RTE Admission 2026-27 साठी अधिकृत वेबसाईट
👉 https://student.maharashtra.gov.in
याच पोर्टलवरून संपूर्ण अर्ज प्रक्रिया पूर्ण केली जाते.
2026-27 साठी महत्त्वाचे नवीन नियम
यावर्षी शासनाने काही महत्त्वाचे बदल केले आहेत:
· विद्यार्थ्याच्या घरापासून 1 किमी अंतरातील शाळाच उपलब्ध होणार
· निवासी पुरावा म्हणून गॅस पासबुक स्वीकारले जाणार नाही
· फक्त राष्ट्रीयकृत बँकेचे पासबुक ग्राह्य
· सर्व कागदपत्रे ऑनलाईन अपलोड करणे आवश्यक
· दिव्यांग विद्यार्थ्यांसाठी किमान 40% प्रमाणपत्र आवश्यक
RTE ऑनलाईन अर्ज प्रक्रिया (Step by Step)
1. नवीन नोंदणी (Registration)
अधिकृत वेबसाईटवर जाऊन:
· Online Application निवडा
· New Registration वर क्लिक करा
· विद्यार्थ्याचे नाव, जन्मतारीख आणि मोबाईल नंबर भरा
नोंदणी पूर्ण झाल्यावर Application Number आणि Password मोबाईलवर पाठवला जातो.
2. लॉगिन करून अर्ज सुरू करा
· Application Number वापरून Login करा
· नवीन Password तयार करा
· अर्ज फॉर्म उघडेल
3. विद्यार्थ्याची व पालकांची माहिती भरा
या टप्प्यात खालील माहिती भरावी:
· आई व वडिलांचे नाव
· लिंग (Gender)
· पालक स्थिती
· पूर्ण राहत्या घराचा पत्ता
· जिल्हा, तालुका व गाव
माहिती भरल्यानंतर Save करणे आवश्यक आहे.
4. Google Location (Geo Tagging)
RTE अर्जामधील सर्वात महत्त्वाचा भाग म्हणजे Location.
घराचे अचूक Google Location निवडल्यावरच शाळांची यादी दिसते. चुकीचे लोकेशन दिल्यास शाळा उपलब्ध दिसणार नाहीत.
आवश्यक कागदपत्रे
अर्ज करण्यापूर्वी खालील कागदपत्रे तयार ठेवावीत:
· विद्यार्थ्याचा जन्म दाखला
· पालकांचे आधार कार्ड
· पत्ता पुरावा
· जात प्रमाणपत्र (लागू असल्यास)
· उत्पन्न दाखला (EWS साठी)
· दिव्यांग प्रमाणपत्र (लागू असल्यास)
5. कागदपत्र अपलोड प्रक्रिया
पोर्टलवर प्रत्येक कागदपत्र स्वतंत्रपणे Upload करावे लागते.
Upload पूर्ण झाल्यानंतर Status Successful दिसणे आवश्यक आहे.
6. शाळा निवड (School Selection)
नवीन नियमानुसार:
👉 फक्त घराच्या 1 किमी परिसरातील शाळाच दिसतील.
उपलब्ध शाळांपैकी योग्य शाळा निवडून Save करा.
7. अंतिम अर्ज सबमिट
Submit करण्यापूर्वी:
✔ सर्व
माहिती तपासा
✔
घोषणा (Declaration) स्वीकारा
✔
Confirm & Submit वर क्लिक करा
अर्ज यशस्वीरीत्या सबमिट झाल्यानंतर अर्ज क्रमांक जतन करून ठेवा.
RTE Lottery प्रक्रिया कशी होते?
· अर्ज अंतिम तारखेपर्यंत स्वीकारले जातात
· त्यानंतर ऑनलाईन Lottery जाहीर होते
· निवड झाल्यास Admit Card डाउनलोड करता येते
अर्ज करताना घ्यायची काळजी
· एका मुलासाठी एकच अर्ज भरा
· चुकीची माहिती देऊ नका
· जन्मतारीख काळजीपूर्वक भरा
· कागदपत्र आधी तयार ठेवा
· Submit नंतर बदल करता येत नाही
RTE Admission ही आर्थिकदृष्ट्या दुर्बल कुटुंबांसाठी मोठी संधी आहे. योग्य माहिती आणि अचूक अर्ज केल्यास आपल्या मुलाला नामांकित खासगी शाळेत मोफत शिक्षण मिळू शकते.
पालकांनी अर्ज करताना घाई न करता सर्व माहिती नीट तपासूनच अर्ज सादर करावा.